Up next


Komuna e Çairit, manifestime për pavarësinë e Kosovës

1 Views
admin
4
Published on 05 Dec 2019 / In Sports

Komuna e Çairit, në bashkëpunim me sektorin civil dhe klubet sportive, prej sot fillon karvanin e festave me rastin e 6 vjetorit të Pavarësisë së Kosovës. Në hapje të tyre, ndeshja miqësore mes Klubit të Basketbollit "Liria" dhe klubit "Prishtina", në sallën e re në Çair "Shaban Tërstena". Aktivitetet do të përqendrohen më datën 16 kur SHVL-ja do të organizojë një akademi përkujtimore me rastin e fillimit të luftës së UÇK-së në konfliktin e vitit 2001 në Maqedoni si dhe më 17 shkurt, ku në sheshin "Skënderbeu" do të organizohet një koncert.<br /><br />"Do të ketë aktivitete për hir të shënimit të festës së madhe edhe të shqiptarëve në Maqedoni , Pavarësisë së Kosovës, që do të festohet me aktivitete të ndryshme duke filluar nga sporti kultura... qyteti Shkupit ka krijuar traditë në shënimin e datave të rëndësishme historike, si Pavarësia e Kosovës, Pavarësia e Shqipërisë", u shpreh Izet Mexhiti, Kryetar i Komunës së Çairit.<br /><br />"Edhe këtë vit do të vazhdojmë me traditën e shënimit të Pavarësisë së Kosovës, me manifestimin "Dita e Plisit", mirëpo këtë vit ky manifestim do ti dedikohet më të dashurve, pra fëmijëve me qëllim që edukimin e tyre drejt trashëgimisë kulturore dhe folklorike. Me këtë rast do të ndahen plisa për fëmijët në shkollat e Çairit", tha Astrit Imeri, "ZGJOHU".<br /><br />Nga komuna e Çairit informuan se ditët festive do të përfundojnë më 23 shkurt me ndeshjen miqësore në futboll mes klubit "Shkupi" dhe atij nga Ferizaji. Adrian Kerimi

Show more
0 Comments sort Sort By

Up next